Traditional Jersey Recipies
We felt that this would be a useful feature as many younger people or newcomers to the island may not be aware
of how some of our traditional food is made. Please feel free to send these in by email. The following have been
supplied by Geraint Jennings of Societe Jersiaise http://www.societe-jersiaise.org/geraint
Les Crêpes Jèrriaises
Nou fait les crêpes lé Mardi Gras. Né v'chîn eune vielle èrchette Jèrriaise
tch'est bein aîsi à faithe.
| Un d'mié-livre (225 grammes) d'flieu |
Deux oeufs |
| Siex onches (170 grammes) d'corînthes ou d'raîsins |
Un quart'ron (110 grammes) d'chucre |
| Eune pînchie d' sé |
Eune d'mié-tâsse d'lait |
Mêlez la flieu auve l's oeufs, les corînthes ou les raîsins, l'chucre et
l'sé. Ajouôtez l'lait.
Graîssiz l'fond d'la câssetrole, et m'ttez la à caûffer.
M'ttez eune tchul'lée du mêlange à la fais dans la câssetrole. Nou peut en
faithe quat' ou chînq à la fais.
I' sont tchuites, en les touônnant, dans tchiques minnutes.
Ch't' èrchette en fait eune douzaine. |
Du Solyi
| 2 livres d'pâte, |
½ livre d'beurre |
| ½ livre d'chucre |
et des pommes suthes en quartelles |
Method: Mettre eune couoche dé pâte au fond d'eune lachefraie, pis eune couoche
dé pommes et d'chucre: dèrché eune couoche dé pâte, et couoche dé pommes et chucre par-dessus
ch'la, atout finnalement eune dreine couoche dé pâte.
Tchuithe douochement un coupl'ye d'heuthes.
En fîn d'compte, ch'est bein sîmpl'ye à faithe, car ch'est:
"Couoche dé pâte, couoche dé pommes, couoche dé pâte, couoche dé pommes et couoche dé pâte par-dessus,
et v'là un solyi!" |
Des Fliottes (Pouor lé Vendrédi Saint)
| ½ livre d'flieu |
1 quarte d'lait |
| 1 quart'ron d'chucre |
½ tchul'lée à thée d'sé |
| 2 oeufs |
un peton d'beurre. |
Method: Dêmêlez la flieu, lé chucre, les oeufs et l'sé. Ajouôtez un gouttin
d'lait d'extra.
Mettez la quarte d'lait à bouoilli, atout l'beurre, pis mettez la farce à tchuithe dédans, la valeu
d'eune tchul'lée à soupe à la fais. Ou trouv'thez qué la farce lève et fliotte dans l'lait. Laissez les
fliottes mitonner pour tchiques minnutes. A m'suthe qu'i' tchuisent, mettez les dans un pliat et gardez
les caudes. Eune fais qué toute la farce est tchuite, servez les fliottes caudes auvec lé lait dans
tch'est qu'ils ont 'té tchuites.
Y'a des gens qu'aiment un p'tit d'muscade poudrée d'sus devant les sèrvi. |
Des Bourdélots
| Nou fait d'la pâte dé pâté et nou-s-enveloppe des pommes p'lées - atout des pommes
douoches pûtôt, mais ofûche des suthes étout. Nou-s-en met eune dgiexaine sus un pliat auve un
gouttîn dg'ieau et les tchuit au fou. Nou fait des bourdélots d'paithes étout tchiquefais. Et nou
faisait l'temps pâssé des doubl'yes bourdélots qué nou-s-appelait des bourdélots jeunmieaux. |
To return to the English version of the above recipies, click here
See for your information, three traditional Guernsey recipies
E-mail suggestions to
| 
